Zäme mit de Jungwacht Goldau, Jungwacht Arth und Blauring Arth, hemmer am Samstig döffe en mega lässige Schaaralass erläbe. 
S'Thema vum Alass isch gsi "Catch the Zug 👮‍♂️", d.h. es Räuber und Bulli mit de ÖV. 

Zum chli i Stimmig cho hemmer es Evolutions-Schäri-Stei-Papier gspilt und üs so i 8 Gruppe ufteilt. Wu alli Gruppe komplett gsi sind, hemmer denn usglöslet weli Gruppe Räuber🥷 und weli Poliziste 👮‍♂️sind. Die 4 Räuber Gruppe hend denn au scho döffe uf ihre erst Zug/Bus springe und vor der Poliziste abhaue. Währenddesse hend dPoliziste en Lüchzgi als Kennzeichnig übercho. En viertel Stund spöter hend au sie döffe uf dVerfolgigsjagd. 

Räuber und Poliziste hend mit de ÖV döffe de Thalchessel vu Arth bis uf Brunne abklappere. Zum das ganze Spili nu bizli spannender z'mache, hends nu es paar Zuesatzufgabe übercho. Alli Gruppe hend bis am endi vum Tag a folgende Standört müsse sii und es lustigs Föteli mache: Vogelnest in Art, Beinhaus in Steine, Kollegi in Schwyz und bide Himmelstreppe in Brunne. 📸

Um üsi Energie wieder ztanke, hemmer alli zäme bim Uslandschwiizerplatz in Brunne Zmittag gässe.🥪
Nachere Stud Pause isch es den wieder wiitergange mit de Verfolgigsjagd! 

Zum Schluss hed en Jury dFöteli bewertet und die mitem lustigste und die mitem kreativste Föteli hend nu en chliine Priis gwunnä. 🥳

Mir hend mega freud gha sind so vill cho und hend mit üs zäme de schön Tag verbrungä! Danke vill mal a alli wu de super Tag möglich gmacht hend!😁

Am Friedenslichtalass, hemmer dKiste vude Pandora bi üs gha und hend die leer Chiste gfüllt mit Wünsch vu üs allne für die wiiti Wält. Leider hemmer das Jahr kei Bsuech gha vum Samichlaus und siine Schmutzlis. 🎅Mir hoffed sie nochst Jahr wider döffe zbegrüesse! Als Verpflegig heds Würstli und Brot gä vude Steiner Metzg😋 

Nachem feine Znacht hemmer üsi Fackle azünt und sind ab a Bahnhof gu sFriedensliecht hole. Denn simmer alli zeme, mit üsne Laterndli, i dChile gus Friedensliecht verbii bringe

«First Letter» war das Motto der diesjährigen GV des Blauring Goldau, welche am 30. November 2024 stattgefunden hat.

Wir bekamen einen Rückblick auf das vergangene Jahr und alle Anlässe welche stattgefunden haben wie zum Beispiel das Pfingstweekend, das Sommerlager, die Aufnahme der Gruppe "die Coolen Sandias" sowie auch der Jublatag und der Unterhaltungsabend.

Nach einem kurzen Rückblick wurde besprochen was wir in dem neuen Jahr erreichen wollen und welche Anlässe möglich wären.

Zum Schluss gab es noch die Ämtliübergabe, Eintritt/ Austritt und die Leiterinnenrunde in welcher jede etwas zum Blauringleben sagen kann. 

Wir durften dieses Jahr insgesamt 2 neue Leiterinnen im Blauring Goldau begrüssen. Wir freuen uns, dass Nicole Kleiner und Selina Stadelmann uns nun aktiv im Verein unterstützen. 

Auch dieses Jahr wir es Zeit Abschied zu nehmen. Selina Koch, Zora Finelli und Alina Marty gehen nach diversen Jahren in ihren wohlverdienten Ruhestand.  Wir möchten uns bei Ihnen recht herzlich bedanken für ihre Arbeit und Engagement und wünschen ihnen auf ihrem weiteren Weg alles Gute! 
Nach ein paar wenigen Jahren im Blauring, verabschieden wir uns auch von Simona Huber, Mara Bättig, Maria Zavanaiu, Vanessa Rigert und Sereina von Flüe. Bei euch möchten wir uns auch herzlich bedanken für alles.  Schade, dass ihr uns schon verlässt. Unsere Türen stehen immer offen :)

Ein weiteres grosses DANKESCHÖN geht ebenfalls an unseren Präses, Sämi Inderbitzin. Er ist ein wichtiger Bestandteil unseres Leiterteams. Er hat immer ein offenes Ohr und unterstützt uns auch in den schwierigen Zeiten. Danke Sämi!

Der Blauring Goldau bedankt sich auch bei ALLEN, welche uns in irgendeiner Form unterstützen und begleiten! Wir freuen uns auf das bevorstehende Jahr und sind voller Zuversicht!

Blauring Goldau

Letzt Samstig hemmer zeme mit de Jungwacht en sportliche Schaaralass ide Turnhalle döffe durefüere. 🏀
Zum iistig hemmer es Drüümannhoch gspilt, nachher hemmer üsi riesige Festige uufbuut und hend es Burgevölk gspilt🏰

Zum schluss hemmer üsi Treffpünkt bimene Küülevölk nu chönne bewiise🎯

Nebe chli umeblödle, hemmer natürlich au ganz vill gschwitzt und glached! 😁🥳

Pfingste hed agfange midere lange aber coole Schatzsuechi durs ganze Dorf. Mir hend müsse Rätsel löse, Uufgabe mache, und lustigi Föteli😝
Nach dere strenge Schatzsuechi hemmer de nu chli sTanzbei gschwunge💃
Da nach dem sportliche Namittag alli soooo fest hunger gha hend, hed üs die lieb Anita mideme sehr feine zNacht versorgt😋 
Danke Anita! 
Nachem zNacht simmer mim Bus uf Lauerz und hend de Abig nu chli ufem Spilplatz gnosse 🌄
Am Mäntigmorge simmer denn öppe einisch ufgstande, hend üsi 7 Sache zämepackt, hend öppis feins zMorge gässe und sind denn vo Lauerz uf Goldau gloffe 🥾
Bim Goldseeli hemmer denn Mittagspause gmacht und hend nu ganz vill Tierli gse wo im Goldseeli huused 🐸🐍🐞

Vom Goldseeli simmer dure Häxewald, wieder zrugg is Hüttli gloffe 🧙

Es sind wieder mal 2 sehr cooli und lustigi Täg gsi mit allne und mir hoffed au ganz vill Gsichter im Lager wieder z'gse! 😊🏕️

Gester simmer alli zäme i Trampolinhalle in Zug 😊
Mir hend ganz vill chönne gumpe, chlättere, üsi ängst überwinde und natürlich au chli umeblödle 😝
Es isch einisch meh en tolle Schaaralass gsi! 🥳