Unter em Motto "Après Ski", hed letzt Samstig dGV 2025 vum Blauring Goldau stattgfunde. 🪩⛷️

Gmeinsam hemmer ufnes ereignisriichs Jahr döffe zruggluege! Highlights sind gsi de Schaaralass "Catch the Zug" mit de Jubla Arth, sNationale Pfingstweekend "Jublasiurium", SOLA 2025, dUufnahm vude Gruppe "Los Chaotos" und de Unterhaltigsabig. Aschliessend hemmers kommende Jahr und zuekünftigi Aläss besprochä. 

En wiitere wichtige Punkt isch dÄmtliübergab, sowie Iih- und Uustritt. 

Mir hend dVivien Ottinger, dLaila Knaff und dAlina Blank döffe im Leiterteam Willkommä heissä. Mir freued üs uf diä nöchstä paar Jahr mit üch im Leiterteam! 

Gliichziitig heissts aber au, dass mer wieder mönd Abschied nä. Tamara Christen und Gioia Styger verlönd nach villnä Jahre de Blauring Goldau. Danke vill mal für üches Engagement. Üsi Türä sind immer Offä! 

Es grosses Dankeschön gad au a üse Präses Sämi Inderbitzin für sini Wertvolli Unterstützig und sis offnige Ohr! 

Dä Blauring Goldau bedankt sich bi allnä, wu üs durs Schaarjahr begleitet und unterstützid! Mir freued üs ufs 2026! 

Blauring Goldau 

Impressionä vum UHA 2025🤩🏕📽

Am Samstig hend mir mit vilne Lacher und emene unterhaltsame Programm, en IIblick i üse Vereinsalltag gä und ufnes glungnigs SOLA 2025 chönne zruggluege! Mir hend die jüngste Mitglieder chli besser kenneglernt und de Zueschauer miteme coole Theater de Lageralltag nöcher brunge.

Leider hemmer üs au müsse verabschiede.

Nach 8 Jahr Gruppe Glüehwürmli isch Tamara is Leiterteam cho. I dene 8 Jahr im Leiterteam isch sie Lagerleitig gsi, ide Rossbergpost tätig und hed jeglichi Aläss organisiert. Uf ihri Unterstützig hemmer immer chönne zähle und sie isch e wichtige Teil vum Leiterteam Team gsi. Mir wünsched dir alles alles gueti! Danke für alles! ♥️

Es grosses Dankeschön gad au ah üse Präses Sämi! Das Jahr isch er nid nur als Präses im Lager tätig gsi, sondern au ide Chuchi. Egal wo mir Hilf bruuched, de Sämi isch immer für üs da. Er isch sehr es wichtigs Puzzleteil i üsere Schaar und mir wüsstid nid was mir ohni ihn würed mache.

Mir freued üs uf wiiteri Jahr mit dir! DANKE TUUSIG! ♥️

Danke au a alli wu üs durs ganze Jahr unterstützid, ohni üch wär das alles nid möglich!!

Wie all Jahr, hemmer au gester wieder en super Jubla Tag mit üch dörfe verbringe!.☺️

Danke fürs zahlriiche erschinä! Mir freued üs uf nöchst Jahr!🥳🤗

Am Sunntig hemmer dGruppä Gummifrösch und d'Süücheibä, offiziell i üsi Schaar ufgnu! 🥳 Mir freued üs zämä mit üch ganz vill nüüs z'entdeckä! 

Nach de Uufnahm, hemmer üses Ässä ufä Grill grüärt und sWätter nu chli gnossä☀️🎲

Härzlich Willkommä bide JUBLA Goldau, Gruppe Gummifrösch und Süücheibä!☺️

Am Samstig simmer as Nationale Pfingstweekend uf Wettingen AG. Mir sind ide Gruppe Schmetterling gsi und hend das coole, grüenä Hüettli übercho 🦋. Am Tag hemmer zäme mit de andere Schaare wu ide Gruppe Schmetterling gsi sind Programm gha. Vu Capture the Flag bis zum Brüggli buuä für dAmeisi, isch alles debii gsi. Täglich hed au en Isektekonferenz statt gfunde wu sich alli Schaare vor de Bühni versammled hend. A de Insektekonferenz hemmer es chliises Theaterstück gse, zäme Tanzet und gsungä 🎤💃. Am abig heds für die jüngere es Guetnachtgschichtli gä und für die ältere en Silent Disco 🪩. Trotz schwankendem Wetter und vill Schlamm, hend mir es mega tolls Pfingstweekend döffe erläbä! 😁

Zäme mit de Jungwacht Goldau, Jungwacht Arth und Blauring Arth, hemmer am Samstig döffe en mega lässige Schaaralass erläbe. 
S'Thema vum Alass isch gsi "Catch the Zug 👮‍♂️", d.h. es Räuber und Bulli mit de ÖV. 

Zum chli i Stimmig cho hemmer es Evolutions-Schäri-Stei-Papier gspilt und üs so i 8 Gruppe ufteilt. Wu alli Gruppe komplett gsi sind, hemmer denn usglöslet weli Gruppe Räuber🥷 und weli Poliziste 👮‍♂️sind. Die 4 Räuber Gruppe hend denn au scho döffe uf ihre erst Zug/Bus springe und vor der Poliziste abhaue. Währenddesse hend dPoliziste en Lüchzgi als Kennzeichnig übercho. En viertel Stund spöter hend au sie döffe uf dVerfolgigsjagd. 

Räuber und Poliziste hend mit de ÖV döffe de Thalchessel vu Arth bis uf Brunne abklappere. Zum das ganze Spili nu bizli spannender z'mache, hends nu es paar Zuesatzufgabe übercho. Alli Gruppe hend bis am endi vum Tag a folgende Standört müsse sii und es lustigs Föteli mache: Vogelnest in Art, Beinhaus in Steine, Kollegi in Schwyz und bide Himmelstreppe in Brunne. 📸

Um üsi Energie wieder ztanke, hemmer alli zäme bim Uslandschwiizerplatz in Brunne Zmittag gässe.🥪
Nachere Stud Pause isch es den wieder wiitergange mit de Verfolgigsjagd! 

Zum Schluss hed en Jury dFöteli bewertet und die mitem lustigste und die mitem kreativste Föteli hend nu en chliine Priis gwunnä. 🥳

Mir hend mega freud gha sind so vill cho und hend mit üs zäme de schön Tag verbrungä! Danke vill mal a alli wu de super Tag möglich gmacht hend!😁

Am Friedenslichtalass, hemmer dKiste vude Pandora bi üs gha und hend die leer Chiste gfüllt mit Wünsch vu üs allne für die wiiti Wält. Leider hemmer das Jahr kei Bsuech gha vum Samichlaus und siine Schmutzlis. 🎅Mir hoffed sie nochst Jahr wider döffe zbegrüesse! Als Verpflegig heds Würstli und Brot gä vude Steiner Metzg😋 

Nachem feine Znacht hemmer üsi Fackle azünt und sind ab a Bahnhof gu sFriedensliecht hole. Denn simmer alli zeme, mit üsne Laterndli, i dChile gus Friedensliecht verbii bringe